قصور: عرسِ بابا بلھے شاہؒ کی شاندار کوریج پر KForKasur سمیت تمام مثبت کردار ادا کرنے والوں کو خراجِ تحسین
قصور: مقامی صحافی آصف عثمانی نے حضرت بابا بلھے شاہؒ کے تین روزہ عرسِ مبارک کے کامیاب انعقاد اور بہترین انتظامات پر تمام سرکاری و نیم سرکاری اداروں کو خراجِ تحسین پیش کیا ہے۔
آصف عثمانی نے اپنے پیغام میں کہا کہ عرسِ مبارک کے موقع پر مختلف سرکاری و نیم سرکاری اداروں کی جانب سے کیے گئے انتظامات نے تقریبات کو چار چاند لگا دیے۔
انہوں نے زائرین کی سہولت، سیکیورٹی اور دیگر انتظامات کے لیے ضلعی انتظامیہ سمیت تمام متعلقہ اداروں کی کاوشوں کو سراہا اور تمام مثبت کردار ادا کرنے والوں کا شکریہ ادا کیا۔
میڈیا کوریج کے حوالے سے آصف عثمانی نے خصوصی طور پر KForKasur کو سراہتے ہوئے کہا کہ عرسِ بابا بلھے شاہؒ کی بہترین کوریج کے ذریعے قصور کا مثبت چہرہ اجاگر کیا گیا۔
آصف عثمانی نے عرس کے دوران قصور کی مثبت سرگرمیوں کو نمایاں کرنے اور شہر کے تاریخی و صوفیانہ تشخص کو اجاگر کرنے پر KForKasur کی کوریج کو بھی قابلِ تحسین قرار دیا۔