قصور: ضلع قصور کے رہائشی امجد شہزاد نے سوشل میڈیا پر ایک ویڈیو اور تحریری بیان جاری کرتے ہوئے جمعیت علمائے اسلام (ف) کے سربراہ مولانا فضل الرحمٰن کے پھول نگر جلسۂ عام میں کیے گئے خطاب پر تنقید کی ہے۔

اپنے بیان میں امجد شہزاد کا کہنا تھا کہ بھارتی میڈیا نے مولانا فضل الرحمٰن کے خطاب کے بعض حصوں کو نمایاں انداز میں نشر کیا اور ان کے بقول انہیں پاکستان اور قومی اداروں کے خلاف پروپیگنڈے کے لیے استعمال کیا۔ انہوں نے سوال اٹھایا کہ “کیا اپنی فوج اور شہداء کو ٹیکس کے طعنے دے کر ان کے حوصلے پست کرنا کسی قومی و مذہبی رہنما کو زیب دیتا ہے؟”

امجد شہزاد نے مزید کہا کہ وہ مولانا فضل الرحمٰن کو ایک بڑے مذہبی اور سیاسی رہنما کے طور پر احترام کی نگاہ سے دیکھتے ہیں، تاہم ان کے مطابق پھول نگر کے جلسے میں کی گئی بعض گفتگو نے انہیں مایوس کیا۔ انہوں نے کہا کہ اسی بنیاد پر وہ جے یو آئی (ف) کے اس بیانیے سے اختلاف کرتے ہیں اور قومی اداروں اور شہداء کے ساتھ اپنی یکجہتی کا اظہار کرتے ہیں۔

واضح رہے کہ یہ مؤقف امجد شہزاد کی جانب سے سوشل میڈیا پر جاری کیے گئے ذاتی بیان پر مبنی ہے۔