پٹرول اور ڈیزل کی قیمتوں میں اضافہ، بوجھ ایک بار پھر عوام پر
قصور: پٹرول کی قیمت میں 12 روپے 90 پیسے فی لیٹر جبکہ ڈیزل کی قیمت میں 3 روپے 72 پیسے فی لیٹر اضافے کا فیصلہ کیا گیا ہے، جس کا نوٹیفکیشن بھی جاری کر دیا گیا۔
قیمتوں میں اضافے پر ایک مقامی صحافی نے عوامی مشکلات کو اجاگر کرتے ہوئے حکومت پر تنقید کی اور سوال اٹھایا کہ مہنگائی کے پہلے سے موجود بوجھ تلے دبے عوام پر مزید بوجھ آخر کب تک ڈالا جاتا رہے گا۔
صحافی کے مطابق پٹرولیم مصنوعات کی قیمتوں میں اضافہ براہِ راست عام شہری کے روزمرہ اخراجات، سفر اور اشیائے ضروریہ کی قیمتوں پر اثر انداز ہوتا ہے۔ ایسے میں حکومت کی جانب سے عوام کو ریلیف دینے کے بجائے مزید بوجھ ڈالنے کے فیصلے پر سوال اٹھنا فطری ہے۔