قصور: 31 جولائی 2026ء کو قصور پولیس نے منشیات کے خلاف کارروائی کے حوالے سے تفصیلات جاری کرتے ہوئے بتایا کہ تھانہ کنگن پور پولیس نے ایک کارروائی کے دوران 10 کلو 200 گرام چرس برآمد کی۔

پولیس کے مطابق کارروائی ایس ایچ او تھانہ کنگن پور عابد محمود چھینہ کی سربراہی میں کی گئی، جس میں قصبہ کنگن پور کے رہائشی راشد عرف کوڈو ماچھی کو گرفتار کیا گیا۔

قصور پولیس کے مطابق ملزم کے قبضے سے 10 کلو 200 گرام چرس برآمد ہوئی، جس پر انسدادِ منشیات کی متعلقہ دفعات کے تحت مقدمہ درج کر کے مزید قانونی کارروائی جاری ہے۔

قصور پولیس کا کہنا ہے کہ ڈی پی او آفتاب احمد پھلروان کی ہدایت پر ضلع بھر میں منشیات فروشوں کے خلاف بلاامتیاز کارروائیاں جاری ہیں، تاکہ نوجوان نسل کو منشیات کے ناسور سے محفوظ بنایا جا سکے۔