کوٹ رادھاکشن: کوٹ رادھاکشن کے مرالی چوک میں کار سواروں کو گن پوائنٹ پر روک کر ڈکیتی کی واردات کی گئی۔

واردات کے دوران ڈاکوؤں کی فائرنگ سے سابق چیئرمین یونین کونسل چھینہ، چوہدری رضوان عزیز شدید زخمی ہوگئے، جنہیں فوری طور پر ہسپتال منتقل کر دیا گیا۔

ملزمان فائرنگ کے بعد 62 لاکھ روپے نقد، موبائل فونز اور لائسنسی پستول لوٹ کر فرار ہوگئے۔

پولیس نے موقع پر پہنچ کر واقعے کی تحقیقات کا آغاز کر دیا ہے۔

واقعے کے بعد ورثاء اور علاقہ مکینوں میں شدید تشویش پائی جاتی ہے۔ انہوں نے آئی جی پنجاب اور آر پی او شیخوپورہ سے اس واردات کا فوری نوٹس لینے اور ملزمان کو جلد از جلد گرفتار کرنے کا مطالبہ کیا ہے۔

نوٹ: یہ خبر ذرائع سے موصول ہونے والی ابتدائی معلومات کی بنیاد پر مرتب کی گئی ہے۔ مزید تفصیلات سامنے آنے پر خبر کو اپ ڈیٹ کر دیا جائے گا۔