قصور: الیکٹرانک میڈیا فرینڈز قصور کے زیرِ اہتمام منعقدہ ایک تقریب میں گروپ لیڈر تنویر شاہد نے مولانا فضل الرحمٰن کے حالیہ بیانات پر ردِعمل دیتے ہوئے مطالبہ کیا کہ مولانا فضل الرحمٰن کے ضلع قصور میں داخلے پر پابندی عائد کی جائے۔

تنویر شاہد نے اپنے خطاب میں کہا کہ تنظیم اس مطالبے کے حوالے سے کل ڈپٹی کمشنر قصور کو باضابطہ درخواست بھی دے گی اور احتجاج بھی کرے گی۔ ان کا کہنا تھا کہ شہداء اور قومی اداروں سے متعلق حالیہ بیانات پر قصور کے مختلف حلقوں میں شدید ردِعمل پایا جا رہا ہے۔

انہوں نے مزید کہا کہ الیکٹرانک میڈیا فرینڈز قصور اپنے مؤقف کو ضلعی انتظامیہ کے سامنے پیش کرے گی اور اس سلسلے میں آئندہ کے لائحہ عمل کا بھی اعلان کیا جائے گا۔

واضح رہے کہ مولانا فضل الرحمٰن کے ضلع قصور میں داخلے پر پابندی کا مطالبہ الیکٹرانک میڈیا فرینڈز قصور کی جانب سے پیش کیا گیا ہے۔